பெண்ணேகதவுகளை தாழிட்டு விட்டுகண்ணீரால் ஏன் உன் கனவுகளை கழுவுகிறாய்...

♥பெண்ணே
கதவுகளை தாழிட்டு விட்டு
கண்ணீரால் ஏன் உன் கனவுகளை கழுவுகிறாய்...
உன் மனவுறுதியால் மட்டுமே
உலகை நீ  வென்றிட முடியும்!

♥சிறு இளைப்பாறுதலுக்காய்...
மறைந்து கொண்ட நிழல்களைத்
பின்தொடர்ந்து செல்லாதே...
அதிலொன்றுமில்லை
அவநம்பிக்கையை
மட்டுமே
கண்டுகொள்ள முடியும்!

♥உன் மீதான
உறுதியான நம்பிக்கை
உன் அயராத முயற்சி
இவை போதும்
அவசியமானவைகளை- நீ
அடைந்து கொள்ள...

♥உனக்கு நீயே தாயாகி
உன்னையே உனக்குள்
சுமந்திடு...
உனக்கு நீயே நேசம் பாராட்டி
உனக்கு நீயே வழிகாட்டு....
உனக்கு நீயே தட்டிக்கொடுத்து
உனக்கு நீயே
இளைப்பாறிட நிழலமைத்திடு...
உனக்கு நீயே
உற்ற தோழமையாகி
உன்னை நீயே சமாதானப்படுத்தி
வாழ்ந்து பார்!

♥இறைவனையன்றி
வேறு யாராலும் -உன்னை தாழ்த்திடவோ..
வீழ்த்திடவோ
முடியாது!

♥ஆனால்... ஆனால்...
சிறு ஆறுதலுக்காய்..
சிறு அன்பிற்காய்..
சிறு புன்னகைக்காய்..
சிறு சந்தோஷத்திற்காய்...
யார் யாரையோ
எதிர்பார்த்து மட்டும்
ஏங்கி நிற்காதே!!

♥யாருக்காகவும் யாருமில்லா இவ்வுலகில்...
உன் கண்ணீர் துடைக்க
உன்னிரு கரங்களை விட்டால்
வேறென்ன இருக்கிறது.??

♥வாழ்வின் அத்தனை
இடர்களையும்
தகர்த்தெறிந்து
முன்னோக்கிப் பயணிக்கும் வழிகளை
நீயே கண்டுபிடி....

♥துவண்டு போவதும்
துணிந்து வாழ்வதும்
இனி உன் சாமர்த்தியம் !
<><><><><><><><><><><><><>
♥அன்பழகி கஜேந்திரா -இலங்கை -மன்னார்.