பெண்களுக்கு: #அச்சம். #மடம். #நாணம். #பயிர்ப்பு

#ஆண்களுக்கு:

 #அறிவு. #நிறை. #ஓர்ப்பு .#கடைப்பிடி

#பெண்களுக்கு: 

#அச்சம். #மடம். #நாணம். #பயிர்ப்பு 

♥#நாற்பண்புகள் அல்லது நாற்குணங்கள் என்பவை ஆண்,பெண் இருபாலாருக்கும், அவரவர் இயல்புகளுக்கு ஏற்ப இயற்பண்புகளாய் அமைந்திருக்க வேண்டிய பண்புகளாக மரபுவாதிகளால் வகுத்துக் கூறப்பட்ட பண்புகளாகும்.

♥ஆண்களுக்குரிய நாற்பண்புகள் 

அறிவு 

அறிவு என்பது எந்தப் பொருளானாலும் அந்தப்பொருளிடத்திலே அமைந்து அந்த உண்மைத் தன்மையை உணர்வது அறிவு ஆகும்.

♥நிறை 

நிறை என்பது தன்னிடம் காக்க வேண்டியனவற்றைக் காத்துப் போக்க வேண்டியவற்றைப் போக்கி நடக்கும் நடத்தை என்று பொருள்.

♥ஓர்ப்பு 

ஓர்ப்பு என்பது ஒரு பொருளை ஆராய்ந்து உணர்தல் என்பதாகும்

♥கடைப்பிடி 

கடைப்பிடி என்பது கொண்ட பொருள் மறவாமை என்று விளக்குகிறது. அதாவது “நன்றென அறிந்த பொருளை மறவாமை”; ஆத்திசூடியும் “நன்மை கடைப்பிடி” என்கிறது.

♥#பெண்களுக்குரிய_நாற்பண்புகள்

பெண்களுக்குரியதென மரபுவாதிகளால் வகுத்துக் கூறப்பட்ட அகப்பண்புகள் அச்சம், மடம், நாணம், பயிர்ப்பு என்ற நான்கு பண்புகளாகும். முற்போக்குச் சிந்தனைவாதிகளும் பெண்ணிலைச் சிந்தனையாளர்களும் நாற்பண்புகள் குறித்த விபரிப்புகளை அடக்குமுறையின் வடிவம் என மறுதலித்து வருகிறார்கள்.

♥அச்சம் 

அச்சம் என்பது வரவிருக்கும் அபாயம் மற்றும் அவப்பெயர் குறித்து ஏற்படும் மன நடுக்கம் எனப் பொருள்படும். பெண்களுக்கு வீரம் வரவே கூடாது அவர்கள் அச்சப்பட்டே வாழவேண்டும்.

♥மடம் 

மடம் இது மடமை எனவும் கூறப்படும். அறிந்தவொரு விடயத்தைக் கூட அறியாதவர் போல சபையில் எடுத்துக்கூறாதத் தன்மை என இது விளக்கப்படுகிறது. யாராவது தவறாக கூறினாலும் நாம் வாயை மூடி இருக்கவேண்டும். பெண்களுக்கு அறிவு வரக்கூடாது.

♥நாணம் 

நாணம் என்பது வெட்கப்படுவது எனப் பொருள் கொள்ளப்படும். கோபப்படக்கூடாது மாறாக வெட்கம் மட்டுமே பெண்களுக்கு சொந்தம்

♥பயிர்ப்பு 

பயிர்ப்பு என்றால் அசுத்தம், குற்சிதம் என்று மதுரைத் தமிழ்ப் பேரகராதியிலிருந்து பொருள் கூறப்பட்டுள்ளது. குற்சிதம் என்றால் அசுத்தம் - அருவருப்பு என்று பொருள் மதுரைத் தமிழ்ப் பேரகராதியிலிருந்து கூறப்பட்டுள்ளது. 

♥ஒரு பெண்ணென்றால் அசுத்தம், அருவருப்பாகப் பார்ப்பதற்கு இருக்க வேண்டும் என்று சொல்லப்பட்டுள்ளதே, இதனை ஏற்றுக் கொள்ள முடியுமா என்று பெண்ணிய மற்றும் பெரியாரியச் சிந்தைனையாளர்கள் இந்த விளக்கத்தை எதிர்க்கின்றனர்

♥அன்று பெண்களை அடக்கி வைக்க உருவாக்கப்பட்ட அச்சம் மடம் நாணம் பயிர்ப்பை இன்று விபரம் தெரியாமலே பல பெண்களும் கொண்டாடி வருவதுதான் வேதனை.

♥இதற்காகத்தான் பின்னர் அச்சம் தவிர் என புரட்சிக்கவிஞன் பாடிச்சென்றான்.

♥ஆண்களுக்கு அறிவு பெண்களுக்க மடம்.. எவ்வளவு மோசமான ஒரு அடக்குமுறை இது...