எத்தனையோ பேர் நான் இருக்கிறேன் எனச் சொன்னாலும் அப்பாவை போல் யார் இருக்க முடியும்..?

எத்தனையோ பேர் நான் இருக்கிறேன் எனச் சொன்னாலும் அப்பாவை போல் யார் இருக்க முடியும்..?

கேட்ட உடனே கொடுப்பதற்கு

முடியாததால் தான்

அப்பாவை அனுப்பி

இருக்கிறாரோ

கடவுள்..?

எப்படி எப்படி

எல்லாமோ

தன் பாசம்

உணர்த்துவாள் அம்மா

ஒரேயொரு

கைஅழுத்தத்தில்

எல்லாமே

உணர்த்துவார்

அப்பா...

அம்மா

எத்தனையோ முறை

திட்டினாலும்

உறைத்ததில்லை

உடனே

உறைத்திருக்கிறது

என்றேனும்

அப்பா

முகம் வாடும் போது..

முன்னால்

சொன்னதில்லை

பிறர் சொல்லித்தான்

கேட்டிருக்கிறேன்

என்னைப்

பற்றி பெருமையாக

அப்பா

பேசிக்கொண்டிருந்ததை...

சொல்லிக்

கொடுத்ததில்லை

திட்டியதும் இல்லை

இல்லை என்றும்

சொன்னதுமில்லை

வேண்டாம் எனக்

கூறியதும் இல்லை

இருந்தும் ஏதோ

ஒன்றினால்

கட்டுப்படுத்தியது

அப்பாவின் அன்பு

சிறுவயதில்

என் கைப்பிடித்து

நடைபயில

சொல்லிக்கொடுத்த

அப்பா

என் கரம் பிடித்து

நடந்த போது

என்ன நினைத்திருப்பார்..?

லேசாக என் கால்

தடுமாறினாலும்

பதறும் அப்பா

இன்று நான்

தடுமாறிய போது

பதறாமல் இருக்கிறார்

மீளா துயிலில்...

நானும் காட்டியதில்லை

அவரும் காட்டியதில்லை

எங்கள் பாசத்தை...

இருந்தும் காட்டிக்

கொடுத்த #கண்ணீரைத்

துடைக்க இன்று

அப்பாவும் இல்லை..

#அம்மாவிடம்_பாசத்தையும்

#அப்பாவிடம்_நேசத்தையும்

இன்றே உணர்த்துங்கள்

சில நாளைகள் இல்லாமலும் போகலாம்...