அம்மா_என்_தெய்வம்

#அம்மா_என்_தெய்வம்

♥ஏழையாக பிறந்த என் அம்மாவின்  கிழிந்த பழைய சேலைக்கு ஆயுள் அதிகம் - அதை விட்டால் அவள் எதை உடுத்துவாள்.

♥வயிறு நிறைய எமக்கு ஊட்டி விட்டு - அடிப்பாணையில்  மிஞ்சிய கருகலை வடித்த கஞ்சியோடு கலக்கி பசியாறுவாள்.

♥அவளுக்கென்று எதுவும் இருந்ததாயில்லை... நான் எதை கேட்டாலும் இல்லை என்று சொல்லாமல் கிடைக்கும்  கூலிக்கு வேலைக்கு போவாள்.

♥கலப்பையும் மண்வெட்டியும் - கொப்பளம் போட்ட அவள் வறுமை கரங்களை பார்த்து  இரக்கப்படாத நாள் எமக்கு இருக்கவே இருக்காது.

♥சும்மாடு இல்லாமல் தலையில் விறகு கட்டோடும் இடுப்பில் தண்ணிக் குடத்தோடும்  மாலைக்கருக்கலில் வீடு வருவாள்.

♥படலை திறக்கும் சத்தம் கேட்டதும்  புழுதியோடு ஓடுவேன். - என்னை

தனிமையில் விட்டு போன கவலையோடு  தூக்கி அணைப்பாள்.

♥தாலி அறுந்த போது - அவள் பட்ட துன்பத்திற்கு  ஆறுதல் சொல்லும் வயதில் நான் இல்லை...

♥ஆண்டு சில கடந்ததும் அடுத்த கலியாணம் கேட்டு வந்த போது - அவள்

என்னை விட்டு போகவில்லை...

♥வாழ்க்கையின் பாதி தூரம் கடப்பதற்குள் - அவள் முழுதாவே நின்மதியை தொலைத்து விட்டாள்.

♥எலும்பையும் தோலையும் கொண்டு இயங்கும்  பிராணியாய் நகர்ந்து கொண்டு ...  பகலில் வியர்வையையும் - இரவில் கண்ணீரையும் எனக்கு தெரியாமலே சிந்தினாள்.எனக்காக....

♥வலியோடு வாழ பழகி விட்ட அவள்  ஒரு நாள் காலையில் திண்ணை

ஓரத்தில் எந்த வலியுமின்றி பிரேதமாக கிடந்தாள்.

♥எனக்கு தெரிந்து நான் அழுத முதல் நாள் அதுவே... சுற்றமும் சொந்தமும் கூடி எனக்கு  ஆறுதல் சொன்னார்கள். - அவளை கொழுத்துவதற்கு கொள்ளியையும் தூக்கி தந்தார்கள்.

♥எரிந்து அவள் சாம்பலானாள் - ஆண்டு சில கடக்க எனக்கும் கலியாணம்  கேட்டு வந்தார்கள். - நான் மறுத்து விட்டேன்.

♥தனிமையில் என் தாய் பட்ட துயர் அறிவேன் - எப்படி  ஓர் பெண்னை விதவையாக்கிடுவேன்........