பெண் பார்க்கும் படலம்

♥பெண் பார்க்கும் படலம்

♥அரும்பாகி பின் மலராகி

மணம்வீசும் தருணம் அதில்

அடக்கம் தானே வர...

அகங்காரம் நெருங்க மறுக்க

அகத்தில் அன்போடு

அனைவரையும் கவரதொடங்க ...,

ஆரம்பிக்கின்றது பெண் பார்க்கும்

படலம் .!

♥தரகரென ஒருவர் வர

தாய் தன்மகளை போற்றி புராணம்

பாட ,

புராணம் கேட்ட தரகர் சும்மா

இருப்பாரோ .?

தங்க பையன் தன்வசம் இருப்பதாய்

வண்டி வண்டியாய்

பொய்யுரைக்க

உறுதியானது பெண் பார்க்கும் படலம்.!

♥வீட்டிற்கு வெள்ளையடித்து

விதவிதமாய் பலகாரம் செய்து

முக்கிய உறவுகளை அழைத்து வந்து

வாசல் பார்த்து காத்திருக்க ..

♥பட்டுவேட்டி கட்டி பரிதாமாய்

ஒருவரும்

பட்டு புடவையில் பகட்டாய்

ஒருவரும்

♥புரிந்துகொள்ள முடிகிறது

மாப்பிள்ளையின் பெற்றோர் என ,

அடுத்து குட்டையோ நெட்டையோ

வெள்ளையோ சொல்லையோ

எப்படியோ ஒருவன் அவன் தான் மாப்பிள்ளை,

♥வந்தவரை பவ்வியமாய் வரவேற்று

நடுவீட்டில் அமரவைத்து

நாக்குக்கு வக்கனையாய்

பச்சியும் சொச்சியும்

பல வித பலகாரமும்

உண்ணகொடுக்கையில்

ஒரு குரல் பொண்ணு எங்க .?

♥அம்மனுக்கு பட்டுடுத்தி

அலங்காரம் செய்தது போல்

அசைந்து வந்தாள் தேவதையாய்

♥கண்கள் படபடக்க

கால்கள் கோலமிட நாணி தலைகுனிந்து நமஸ்க்காரம்

செய்து நின்றாள்,

♥கொலு பொம்மையை பார்ப்பது போல்

கூட்டமே பார்த்து விட்டு

வீட்டு போய் தகவல் சொல்கிறோம்

முகுர்தத்திற்கு நாள் குறிக்க ,

புறப்பட்டு அவர் செல்ல

பொறுமையாய் பெண் வீட்டார்

காத்திருக்க ,

♥தகவலாய் தரகர் வந்து

பொண்ணு கொஞ்சம் குள்ளமாம்

பையனுக்கு பிடிக்கலையாம் ,

அது போனா என்ன தாயே

வைரமாய் இன்னொன்று

என்வசம் ..

♥முடிவின்றி தொடர்கின்றது

பெண் பார்க்கும் படலம் ....!!